zum hauptinhalt gumpe.

d biiträg übr fischaug-linse.

feeds:

atom-feed. (fischaug-linse, chde) atom feed. (fisheye lens, en) rss-feed. (fischaug-linse, chde) rss feed. (fisheye lens, en)

chasch au läse uf:

english. (fisheye lens)

gottardino.

23. oktober 2016 am 15:18 vom felix. ekäi kommentär.

chasch au läse uf:

english.

am friitig simmer mitem spezialzug gottardino dur dä neui gotthard-basis-tunnel gfahre, wo mir d möglichkeit ghaa händ teil vo dä sedrun-nothaltistell aazluege.

zerscht simmer mit äm schiff vo luzärn uf flüele gfahre. s wätter i dä tüütschschwiiz isch nöd dä hammer xi, abr mer händ äs paar cooli tüüfi wulche xe.

z flüele simmer in gottardino iigstige, wo ois in tunnel zu dä sedrun-station gfahre hät. bi dä station häts ä mängi info-material gha und än film übr dä basistunnel. äs isch um di driisg grad warm xi, und mitemene tiishi sehr aagnehm xi.

nach 45 minute zwüschehalt simmer dänn mitem zug zum süduusgang vom tunnel gfahre und händ z biasca ghalte, wo mer mit s paar souvenirs usm zug uusgstige sind:

kategorie: föteli reise
schlagwort:
ort: gotthard

stanserhorn.

16. auguscht 2015 am 16:52 vom felix. ekäi kommentär.

chasch au läse uf:

english.

vor äs paar wuche simmer ufs stanserhorn ufe, wo mer mit de “cabrio” seilbahn ufe sind. dobe isch s wätter viel besser uuszhalte xi als z züri (wos über 30 grad gha hät), au wenn es dobe nöd ganz so schöön xi isch – es hät sogar es biz grägnet. später simmer mit em schiff vo hergiswil zrugg uf luzern gfahre.

kategorie: föteli reise
schlagwort:
ort: hergiswil luzern schwiiz stanserhorn vierwaldstättersee

gwitter.

9. juni 2015 am 21:59 vom felix. ekäi kommentär.

chasch au läse uf:

english.

am sunntig hämmer äs rächt langs und intensiivs gwitter gha. all paar sekunde häts blitzt, und wo s gwitter bii ois aacho isch, hämmer d ganzi ziit s grummle vom dunner ghört. wos no ufm wäg zu ois xi isch hani probiert, äs paar föteli zmache – was rächt schwäär xi isch, wil blitz und abdrucke im gnau richtigä moment nöd so guet korrelieret. vo dä hundertä vo föteli wo-n-i gmacht han sind nur äs paar schön xi. une xender drüü devo, wo-n-i dä kontrast äs biz verstärkt han.

kategorie: föteli
schlagwort:
ort: hiwil schwiiz